ШҚО-дағы орман өртін сөндіру неге ұзақ уақытты алды?

Облыстық ТЖ бойынша департамент мамандары Бесқарағай ауданындағы өртті сөндіру барысында қандай қиындықтар туындағанын айтты

"Семей орманы" аумағындағы өртті сөндіруге тек ШҚО ТЖД-ның 93 қызметкері, 23 бірлік техника жұмылдырылды. Байдәулет орман шаруашылығы өртті бірінші байқаған болатын. Шаруашылық тілсіз жаумен күреске 34 адам, 6 автоцистерна мен екі трактор жіберген. Ал ҚР ТЖК Көкшетау гарнизонынан 39 адам мен МИ-26 ұшағын жіберген.

Бірақ 23 сәуір күні 13.00-де лап берген далын 25 сәуір күні 19.00-де бірақ ауыздықталды. Өрт 3948 гектар аумақты шарпыды.

- Жел қатты болғандықтан өрт жылдам тарады. Қылқан жапырақтар тез тұтанып, талдар шырпы сынды лап береді, - дейді құтқарушы Анатолий Жуков. – Күн ысып, қатты тұтанып жатқандықтан кей жерлердегі өртті сөндіру қиынға соқты.

Өрт сөндіру көліктерін жүргізушілерге де оңай соққан жоқ.

- Түтіннің арасында ештеңе көрінбейтіндіктен қозғалу қиын болды. оның үстіне құмды аймақ. Өрт жасырын тұтаны жатқан жерлер де бар. Оның ішіне көлік түсіп кету қаупі жоғары, - дейді ӨСБ-4 өрт сөндіру көлігінің жүргізушісі Тұрар Сабырбеков.

Тақырыптар: Лесной пожар в ВКО Департамент по ЧС ВКО ГЛПР "Семей орманы" Пожар в Бескарагайском районе