Өскемендегі Қазақстан көшесінде оңға қарай бірінші бұрылыс пайда болады

Осылайша қала билігі көлік ағыны көп қиылыстардағы жұмысты жеңілдетпек. Өскемен қаласының әкімі Жақсылық Омардың айтуынша, оң жаққа бұрылыс жолдары тұрғындар арасында әлеуметтік желі арқылы жүргізілген сауалнама нәтижесінде анықталды.

Қазақстан мен Қабанбай көшелерінің қиылысындағы жұмыстар басталып кетті, мамыр айының соңына дейін аяқталады. Оң жаққа бұрылыс Пристаньға қарай шығарады.

Қалалық әкімдіктің ақпараттарына сүйенсек, шілде айының соңына дейін Қазақстан мен Горький көшелеріндегі қиылыстар – Пермитина көшесіне қарай, "Юбилейный" кинотеатрына қарай Қабанбай көшелерінде бұрылыс пайда болады. Тағы екеуі – Чехов пен Горький көшелері, Жеңіс даңғылында болады. Жақын уақытта Қазыбек би мен Сәтпаев даңғылындағы бұрылыс та жөнделе бастайды.