Төрт облыстың тұрғындарын алдап кеткен азамат ШҚО-да қолға түсті

18 сәуір күні ЗАйсан аудандық полиция бөлімшесіне 28 жастағы жергілікті тұрғын хабарласқан.

Ол ай ортасында біреуге өз смартфонын бергенін, бірақ ол гаджетті сол күйі қайтармағынан айтқан. Келтірген шығын 30 мың теңге.

- Полиция қызметкерлері 33 жастағы азаматты тұтқындады. Ол бұрын істі болған Орал қаласының тұрғыны екен, - деп мәлімдеді ШҚо ПД баспасөз қызметі. – Оның Қостанай, Қызылорда, Жамбыл облыстарындағы тағы да осындай төрт алаяқтыққа қатысы бар екен.

Күдікті бүркеншік атпен жүк тасу сайтында өз қызметін ұсынған. Бағаны да нарықтағыдан төмен етіп көрсетіпті. Қызыққан клиенттер алаяқтың арбауына ілігіп, алаяқ көрсеткен банк шотына ақша аударып жіберген. Әлбетте ақшаны алған алаяқ осыдан кейін хабар-ошарсыз жоғалған.

Қазір алаяқ қамауда, сотқа дейінгі тергеу басталды.