Құтқарушылар саяжайлықтарды әкімшілік жауапқа тартуды

Өскеменде ТЖ бойынша басқарма инспекторлары саяжай бірлестіктерінде рейдтер жүргізді

Қала тұрғындары карантинге қарамастан өздерінің саяжайларына барып, өз аумақтарын дайындауда. Олардың көбі қоқыстарды өртеп, отты қараусыз қалдырады. Ал қазір ауа райы жылы болғандықтан қараусыз қалған от өртке ұласуы әбден мүмкін.

6 сәуірден аймақта өрт қаупі жоғары маусым басталды. Өскемен қаласындағы сегіз өрт сөндіру бөлімі сағат сайын құрғақ шөптің өртенуінен шыққан тілсіз жаумен күрес жұмыстарына аттанады.

"Колос" саяжай аумағына келген өрт сөндірушілер түтін будақтарын байқаған. Үй иелері құрғақ қоқысты тұтатып, өздері қараусыз қалдырған екен. Заң бұзған екі азаматша ескерту түрінде әкімшілік жауапқа тартылды. Егер бұл әрекет тағы да қайталанса, үш АЕК көлемінде айыппұл салынады. Енді "қоқысты қалай өртейміз?" деген заңды сұрақ туындайды.

- Шөпті шұңқырларға салып, қоқысты жинап қоқыс төгетін орынға апару керек, - деп мәлімдеді қалалық ТЖБ.

Жүргізілген рейд нәтижесінде үш саяжай иесі әкімшілік жауапқа тартылды.

Тақырыптар: Административной ответственность Дачники Усть-Каменогорска Инспекторы городского Управления по ЧС нарушение правил пожарной безопасности