ШҚО тұрғындары қаракүзен туралы "сериал" түсіруде

Ұлан ауданындағы Азов ауылының тұрғындары осы жол ды ауылға келген қаракүзенді ауылдан алысқа апарып, қоштасу сәтін камераға түсіріп алған.

Өткенде ғана кішкентай қаракүзен ауылдағы үйлердің бірінің ауласына келіп, балық ұрлап жүргенін жазғанбыз. Жануарды біреу жазым етпесі үшін үй иелері бірнеше рет оны далаға апарып тастаған. Бірақ ол қайта-қайта келе берген. Жергілікті тұрғындар қаракүзеннің еркек екенін аңғарып, оған Вася деп есім берген.

Енді, міне, бір айға жуық уақыттан кейін Вася қайта келіп тұр.

- Соңғы рет жібергеннен кейін, оны қайтып келмес деп, ұмытып та кетіппіз. Ал енді күні кеше қонағымыз қайта келіп тұр, - дейді жануар келіп жүретін үй иесі Екатерина. – Оны қайта далаға апарып тастадық. Өйткені мында әр сәт сайын оның өміріне қауіп төнеді.

Бірақ жануар адамдар арасында еш қысылмайтын көрінеді.