ТЖ кезінде діни мерекелерді үйде атап өтуді ұсынды

Биыл рамазан айы сәуірдің 24 күні басталады. Бұл туралы Қазақстан мұсылмандары діни басқармасының төрағасы Наурызбай Қажы Тағанұлы мәлімдеді

Ол төтенше жағдайға байланысты қойылатын шектеулерге де тоқталды. Атап айтқанда, ораза уақытында мешіттерде тарауық намазы оқылмайды. Сондай-ақ, қоғамдық орындарда немесе өзара жиылып ауыз ашар жасауға болмайтынын ескертті. Яғни, жамағатты мемлекет бекіткен ережелерді басты назарға алып, қауіпсіздікке селқос қарамауға шақырды. Мұның барлығы уақытша шектеулер екеніне де тоқталды. Сондықтан төтенше жағдайға төзіммен қарап, қасиетті Рамазан айын сабырмен өткеруге шақырды.

- Еліміздегі төтенше жағдайға байланысты қасиетті Рамазан айында індеттің таралуының алдын алу мақсатында тарауық намазы мешітте жамағатпен оқылмайды. Бұл намазды отбасы мүшелерімен бірге үйде оқуға кеңес береміз, – деді бас мүфти.

Дін өкілдері карантин кезінде 18 мыңға жуық отбасына көмек көрсетті. Жұқпалы індеттің алдын алу мақсатында халыққа карантин кезінде 47 мыңнан астам бетперде таратылған. Ол бетперделер мешіттердегі тігін шеберханаларында тігіліп, демеушілердің көмегімен жеткізілді.

Тақырыптар: Религиозные праздники в Казахстане ЧП в Казахстане Праздник в семейном кругу