ШҚО-да COVID-19 жұқтырған сегізінші адам анықталды

Облыс әкімінің баспасөз қызметі берген мәліметтеріне сүйенсек, қазіргі уақытта жалпы алғанда, өңірде 8 науқаста расталып, оның ішінде бір адам көз жұмды.

- Бүгінгі екінші жағдай Семей қаласының 1980 жылғы тұрғынында анықталды. Ол 12 сәуірде ЖРВИ белгілерімен және жағдайының нашарлауы себепті жедел жәрдем шақырып, артынша провизорлық стационарға жатқызылды. COVID-19-ға талдама алынып, оң нәтиже көрсетті, - делінген хабарламада.

Қазіргі уақытта науқас инфекциялық стационарға ауыстырылды. Жағдайы орташа дәрежедегі ауырлықта. Байланыста болған 48 адам анықталды. Жақындары карантиндік стационарға, ал болжамды байланыста болғандар үй карантиніне оқшауланды.

Осы уақытқа облыс бойынша 5 жағдай Семейде, 3 жағдай Өскемен қаласында.