Ресейліктер Таиландтан Өскемен арқылы қайтатыны рас па?

Хабарламада 14 сәуірде ҚР СІМ Бангкок – Өскемен бағыты бойынша чартерлік рейс ұйымдастырады делінген.

- Қазақстанның Таиландтағы елшілігімен келісім бойынша осы рейсті Отанына оралғысы келген Ресей азаматтары да пайдалана алады. Әуе билетінің бағасы 500 АҚШ доллары. Орын саны шектеулі, - делінген хабарламада.

Ал Өскеменнен Ресейге ұшып кету сұрағын азаматтар өздері шешуі керек деп көрсетілген.

Естеріңізге сала кетейік, бұған дейін дәл осы сайтта Оңтүстік-шығыс Азиядан туристерді қайтару үшін рейстер ұйымдастырылатыны туралы ақпарат тараған. Бірақ ШҚО Туризм, сыртқы байланыстар басқармасы туристердің Өскеменге жеткізілетіндігі нақты ақпарат емес екенін мәлімдеген.