Өскеменде бағаны көтерген кәсіпкерлерге айыппұл салынды

Мониторингтік комиссия облыс орталығындағы ірі сауда орындарында рейд жүргізіп шықты. Жұмыс тобының құрамына – Өскемен қалалық кәсіпкердік бөлімінің төрағасы мен қалалық мәслихаттың хатшысы Александр Светаш кірді.

Тексеріс нәтижесінде 11 сәуір күні үш хаттама толтырылды, 100 АЕК көлемінде (277800 теңге) айыппұл тағайындалды.

- Тағы да осындай заңбұзушылық анықталса, айыппұл 200 АЕК жетеді немесе 555600 теңге, - дейді комиссия мүшелері. – Айыппұл салуға Қазақстанда шекті баға бекітілген азық-түлік бағасын көтеру негіз болған. Мәселен, қарақұмықтың келісін 281 теңгеден сатудың орнына 385-390 теңге деп, тұзды 47 теңгенің орнына 60 теңгеден, келісі 146 теңге болуы мүмкін ұнды 245 теңгеден сатқан.