Air Astana сәуір айының аяғына дейін барлық рейстер тоқтатылатынын хабарлады

Бұл туралы ҚР Индустрия және инфрақұрылымдық даму министрлігінің баспасөз қызметі хабарлады.

- Air Astana" сәуір айының соңына дейін барлық рейстерін тоқтатады. Тоқтатылған рейстерге билеттерді қайтару және қайта брондау бойынша өтінімдер кезекпен атқарылады, - делінген ведомство таратқан ақпаратта.

Орындалмайтын рейстерге билет алған жолаушылар өз сапарының күнін не бағытын өзгерту үшін әуекомпаниясының Брондау және ақпарат орталығына байланысулары тиіс.

- 2020 жылғы 31 мамырға дейін және бастапқы ұшып кету уақытына 48 сағат қалғанға дейін рәсімделген қайта брондаудан ақша ұсталмайды, тек жаңа сатып алынған билеттер ақысының айырмасы шегеріледі не өтеледі. Брондау және ақпарат беру орталығына Air Astana сайтындағы Live Chat арқылы немесе call.center@airastana.com поштасына хат жазып байланысуға болады. 16 наурыздан 30 сәуірге дейінгі аралыққа сатып алынған билеттердің толық құнын қайтарып алу үшін де әуекомпаниясының сайтындағы үлгіні толтыру керек. 30 сәуірге дейін орындалмайтын рейстерге билеттерді қайта брондау немесе қайта өткізу жөніндегі сауалдардың бәрі кезекпен өңделетініне кепілдік береміз, - деп жазылған хабарламада.