Алтайда кейбір жолдар қармен бірге "еріп кеткен"

Алтайда жолдар "еріді" және бұл жүргізушілерге ыңғайсыздық тудыруда. Былтыр жасалған қаланың орталық көшелері қазірдің өзінде шұңқыр-шұңқыр болып қалған. Бірақ олар қараша айында жөнделген (!), деп хабарлайды Устинка LIVE тілшісі.

Автокөлік жүргізушілері үшін ең жағымсыз тосынсый Астана (Ленин) көшесінің жағдайы болды, онда өткен жылдың соңында олар күрделі жөндеуден өтті, енді қайтадан шұңқырлар пайда болды, олардың біреуі жаяу жүргіншілерге арналған жолдың дәл ортасында.

- Мен таңертең машинамен кетіп бара жатқанда бұл шұңқырдың пайда болғанын көліктің доңғалағы тарс еткенде бірақ сездім. Мен ешқашан жылдам жүрмеймін және уақытылы сақтанып үлгердім, әйтпесе зардап шегуім мүмкін еді, - дейді Алина есімді келіншек.

Өкінішке орай, бұл қыстың суығына төтеп бере алмаған жалғыз көше емес. Әрі қарай жаяу жүргіншілерге арналған көшеде де шұңқырлар өте көп. Оларды айналып өтуі керек, қарсы жолға түсіп жүресін. "Қалайша жол бір қыстың ішінде бұндай күйге түсуі мүмкін? - деп наразы. - Барлық асфальт қармен бірге "еріп" кетті.

Бочарников көшесі, әдетте, минаның алаңына ұқсайды – жүрген сайын қауіпті, қай жерде шұңқырға түсіп кететінін белгісіз. Суға толған шұңқырлар көлік жүргізушілерін шыныменде қатты алаңдатады.

- Бір бағытты қозғалыс болғаны жақсы, әйтпесе жол апатынан құтылмас едік, - дейді жүргізушілер. - Дегенмен машиналар қазір азап шегуде.

Көліктер "Сулпак" дүкенінің қасынан ақырындап жүреді. Бұл жер шұңқыр-шұңқыр болып тесіліп, одан кейін үлкен бір ойылған жолға айналған.

Алтай облысы әкімінің орынбасары Сергей Охременконың айтуынша, жергілікті билік жағдайды біледі, және де бұл мәселені шешетін болады.

- Мердігер компаниялар барлық ақауларды ауа райы қолайлы кезде жөндейді. Жолдың кепілдік мерзімі бар, - деп сендірді Сергей Охременко.