Қазақстанда зейнетақы төлемдері мен жәрдемақы өседі

ШҚО Еңбек, әлеуметтік қорғау және миграция департаментінің ақпараттарына сүйенсек, 2020 жылдан 2022 жылға дейін АЕК 2778 теңге деп белгіленді. Сонымен қатар, минималды зейнетақы 40 441 теңгеге дейін, ал базалық зейнетақы көлемі 17 431 теңгеге дейін артады.

Енді күн көріс минимумы 32 668 теңге, минималды еңбекақы - 42 500 теңге.

- 1 сәуірге дейін белгіленген жас бойынша төленетін зейнетақы 5%-ға индекстеледі, - деп түсіндірді мекеме басшысының әлеуметтік сұрақтар бойынша орынбасары Марина Шаронова. – Мүгедектік және асыраушысынан айырылу бойынша жәрдемақы да өседі. Өсім 2020 жылдың 1 сәуірінен басталатындықтан, жаңа төлемді мамырда алады.

Сонымен қатар, тағы бірқатар мемлекеттік төлемдер де қарастырылады. Әсіресе, төрт немесе одан да көп баласы бар отбасыларға төленетін жәрдемақы көлемі.
18 жасқа дейінгі мүгедек бала және бірінші топтағы мүгедек жанды асырап отырған адамдарға берілетін жәрдемақы да өзгереді.

- ШҚО бойынша 236 зейнеткер, мүгедектігі бойынша жәрдемақы алатын 40 мың адам, асыраушысынан айырылған 14 мың адам мен мемлекеттік жәрдемақы алатын 45 мың адам жаңа көлемді төлемақы алуға үміткер, - дейді Марина Шаронова.

Барлық сұрақтар бойынша: 22-24-07.