Өскемен мен ШҚО Бүгіннен бастап Өскемен мен Семейге кіріп-шығуға тыйым салынды
Облыс орталығында жеті, ал Семейде сегіз бақылау-өткізу пунктілері қойылды. Тәртіп сақшылары әрқайсысы 8 сағаттық режімде үш ауысыммен жұмыс істеуде
Қалаға кіріп-шығу тек "жасыл дәліз" арқылы. Бірақ тек азық-түлік пен алғашқы қажеттіліктегі заттарды жеткізетін көліктерге ғана.
Сонымен қатар, қала іштерінде де автокөлік қозғалысына бақылау күшеймек.
- 6 сәуірден бастап жеке көлікті жүргізуге де шектеу қойылады: автокөлігінің мемлекеттік тіркеу нөмірі тақ санға аяқталатындар айдың тақ күндері, ал жұп санға және 0-ге аяқталатындар айдың жұп күндері ғана қалада жүріп-тұра алады, - деді Шқо Полиция департаментінің басшысы Сағат Мәдиев.
Түнгі уақытта қалада қозғалысқа қатаң тыйым салынған, ал күндіз шектелген. Барлығы да көлік ағынын азайту үшін жасалып жатқан шаралар.