Экологтар шығысқазақстандықтарға "Жер сағаты" акциясына қатысуға шақырады

Ол үшін 28 наурыз күні кешке небары 60 минутқа жарықты сөндіріп, тұрмыстық электр құралдарын тоқтан суыру керек

ШҚО Экология департаменті "Жер сағаты" акциясын қолдауға шақырады.

Экологтар сағат 20.30-дан 21.30-ға дейін ғимарат, көше жарықтарын сөндіріп, өндіріс қызметін де тоқтата тұруға шақырады.

Айта кетейік, бұл күні бүкіл әлемдегі маңызды ғимараттар мен ескерткіштердің де жарығы сөндіріледі.

2020 жылы Қазақстанда Жер сағаты осымен он үшінші мәрте өткізілмек.