Ең бірінші жел электр стансасы салынады

Естеріңізге сала кетейік, бұған дейін Жарма және Ұлан аудандарында жел электр стансасы бой көтеретіндігі айтылған. Бірақ бұл жобалар аяқсыз қалған. Енді облыстық кәсіпкерлік және индустриалды-инновациялық даму басқармасының басшысы Ержан Шурманов жел электр стансасы Аягөздегі Ақтоғай ауылында салынатындығын айтады. Еліміздің ұлы ақыны Абай Құнанбайұлының 175 жылдық мерейтойы қарсаңында салынатын бұл нысанға ақынның есімі берілмек.

- Бұл станция қазақтың бас ақынының құрметіне "Абай 1" деп аталады. Қазіргі уақытта жобаны ресімдеу жұмыстары жүріп жатыр. Сондай-ақ, нысанның құрылысына байланысты мәселелер шешілуде. Стансаны тұрғызумен айналысатын компанияның тәжірибесі мол. Мысал ретінде Қапшағайдағы станцияны айтуға болады. Сондай-ақ, аталмыш компания "Абай 1"-мен қатар Алматы облысында 50 мегаваттық жел электр стансасын салады, - деді Ержан Шурманов.

Қазір құрылыс орнында желдің жылдамдығы мен күшінің көрсеткіштерін анықтайтын дабыл діңгегі орнатылып та қойған.