Өскемен мен ШҚО "ҚазақстанТемірЖолы" ҰК АҚ билет ақысын толық мөлшерде қайтарып береді
Халық елде жарияланған төтенше жағдайдан кейін бірден алған билеттерін қайтаруға асығып, кассаларда ұзын-сонар кезек тізілген
Мекеме Қазақстан Республикасы Президентінің Жарлығымен жарияланған төтенше жағдай ескеріле отырып, жолаушылар билеттері үшін ақша қаражатын толық көлемде қайтаруды жүзеге асыру шешімі қабылданғандығын мәлімдеді.
- "Жолаушылар тасымалы" АҚ ақшалай қаражаттарды өз кассаларында ғана емес, сонымен қатар жеке кассаларда, Сіз үшін кез келген ыңғайлы күні, бүгінгі күннен бастап 6 ай бойы, пойыздың жөнелтілу датасына қарамай, қандай да бір айыппұл санкциясын қолданбай толық қайтаруды жүзеге асырады, - деп мәлімдеді баспасөз қызметі. - Жөнелтілген пойыздар бойынша ақшалай қаржыны қайтару жолаушының жол жүрген фактісі тексерілгеннен кейінгі 3 (үш) жұмыс күні ішінде жүзеге асырылады. Жолаушыларға ыңғайлы болу үшін "Жолаушылар тасымалы" АҚ 24 сағаттық жұмыс режиміне ауыстырылды. Осыған байланысты, жолаушылардан дүрбелең туғызбауды, бір біріңізден 2 метр қашықтықта тұруларыңызды, карантин режимін сақтауларыңызды, қалыптасқан жағдайға шыдамдылық таңытуды және түсіністікпен қарауды сұраймыз.