Өскемендегі жаңа сауда орнына шаңғымен кірген
Пранк түсіре бастаған 23 жастағы блогер Романды аяғына шаңғы киіп кіргені үшін "ADK River" күзетшілері ұстап алып, полиция қызметкерлерінің қолына табыстады
Осыдан бір апта бұрын облыс орталығының тұрғыны Роман дәл осы сауда-ойын-сауықтық орталықтың хауызына секіріп, видеоға түсіріп жариялаған болатын. Осы шоуы үшін ол 5 АЕК (13 255 теңге) көлемінде айыппұл да төлеген.
Жас пранкерді айыппұл да тоқтатпады, бірнеше күннен кейін тағы да орталыққа келді. Бұл жолы костюм, басына тымақ, аяғына шаңғы киіп алған.
Орталыққа аттап басқаны сол еді, кешен күзетшілері жолын кесіп, тәртіп сақшыларына тапсырды.
- Полиция қызметкерлері мені бірнеше сағаттан кейін босатты, маған қарсы ешқандай айғақ жоқ, - дейді өз аккаунтында Роман.
Ол бұл қылығы үшін жазалана ма, оны тәртіп сақшылары кейін мәлімдейді. Ескере кетейік, өткен жолғыдай бұл жолы да видеотүсірілім жан-жақтан жүргізілген. Екінші пранктың видеосы екі мыңға жуық рет қаралған.
Следующая →