Өскемен мен ШҚО Өскеменде ер адам өзінің бұрынғы әйелінің көлігін ұрлап кеткен
Өзінің қымбат шетелдік көлігін орнынан таппаған қала тұрғыны полицияға шағымданған
Тәртіп сақшылары хабар түсе сала іске кірісті.
Toyota Camry көлінін айдап кеткен адамды полиция қызметкерлері лезде әшкереледі. Күдіктіні қолға түсіріп, учаскеге алып келді. 45 жастағы тұтқын – шағымданған азаматшаның бұрынғы күйеуі болып шықты. Осылайша ер адам босқа өткізген өмірі мен жұқарған жүйкесі үшін кек алмақ болған.
- Күдіктіге қатысты ҚР ӘҚК 612-бабы 3-бөлігі бойынша әкімшілік хаттама толтырылды, - дейді Өскемен қалалық полиция басқармасының баспасөз хатшысы Әсел Амренова.
Азамат өз кінәсін толықтай мойындады. Одан өзге көлікті айдап кеткен үшін ҚР ҚК 200-бабы бойынша қылмыстық іс қозғалды.
