ШҚО-да наурыз жылы әрі жауын-шашынды болмақ

"Қазгидромет" РММ болжамына сүйенсек, биыл көктем уақтылы өз билігін алмақ.

Gismeteo ұсынған ақпараттар бойынша наурыздың алғашқы күндері термометр бағаны күндіз +2-4оС, түнде 4-7 градус нөлден төмен. Кей жерлерде қар, қарлы жауын күтіледі.

Айдың екінші он күндігінде жауын-шашын мол болады. Жаңбыр арты қарға ұласып, ауа температурасы күндіз -3-5оС, түнде -10оС төмендейді. Кей жерлерде -18оС дейін қатқақ жүреді.

16 наурыздан бастап күн жылынады. Ауа температурасы +5оС, түнде 4-5 градус нөлден төмен. Синоптиктер аздаған қар, жауын жауады деп болжайды. Жылы әрі ылғалды ауа райы ай соңына дейін сақталады.