Өскемен мен ШҚО Өскеменде балалар тіс дәрігерлеріне 7 миллион теңге қарыз
Биылғы жылдың басында балалар стоматологиялық клиникасының дантистері өз еңбегімен тапқан ақшаларын әлі алған жоқ
Бүгінгі таңда Өскемен қаласының медициналық мекемесінің басшылығы өз қызметкерлеріне 7 миллион теңгеден артық қарыз, деп хабарлайды "Хабар24" телеарнасының сайты.
Бірақ қаржылық проблемаларға қарамастан, мамандар өз міндеттерін атқаруды жалғастыруда.
- Желтоқсан айында жалақаны біз соңғы рет алдық, қаңтарда алған жоқпыз. Өйткені Денсаулық сақтау министрлігі стоматологияны тікелей қаржыландырмайды, - дейді тіс дәрігері Айжан Ахмадиева.
Дантистер салалық кәсіподаққа бірнеше рет жүгінгенін, бірақ мамандарға анық жауап берілмегенін айтады. Балалар стоматологиялық емханасының бас дәрігері Махамбет Имашпаев электрондық төлем жүйесі шоттарындағы барлық қаржы қаражатын техникалық себептер бойынша алып тастау әзірге мүмкін еместігін айтады.
Денсаулық сақтау басқармасының өкілдері балалар емханасының бас дәрігерінің кінәсінен 60 стоматолог екі ай бойы жалақы ала алмайтынын мәлімдеді. Жалақылық ведомосты ресімдеу туралы келісімшартқа қате қол қою оған себеп болған.
- Төлем жүйесіне бұл қызметтер түскен жоқ, себебі олар дұрыс енгізілмеген, онда қате болған, бас дәрігер әлі күнге дейін ақша тікелей кетеді деп ойлайды, өйткені оларды медициналық көмектің кепілді көлемі ретінде шифрлейді. Бүгінде стоматологиялық қызметтер міндетті медициналық сақтандыруда - бұл басқа пакет және басқа да қаржыландыру, - деді ШҚО Денсаулық сақтау басқармасы басшысының орынбасары Владимир Ли.