2019 жылы Өскеменде 44 күн ауа райының қолайсыздығы байқалған

Облыс орталығындағы атмосфералық ауаның жағдайы туралы ақпарат қоғамдық экологиялық кеңестің отырысында айтылды, деп хабарлайды Устинка LIVE тілшісі.
Экологиялық қауіпсіздік орталығының маманы Назым Оқасованың айтуынша: 

- Өскеменде жыл ішінде барлық заттар үшін ШРК ең жоғары бірыңғай концентрациясының жоғарылауы байқалды. Мысалы, ауаның азот диоксидімен ластану деңгейі орташа тәуліктік ШРК-дан 1,6, ал күкірт диоксидімен 1,8 асып кетті. Азот диоксиді мен күкірт диоксиді үшін ай сайын нормадан тыс көрсеткіштер тіркелді. Ал сутегі хлориді мен фторид көп байқалмаған, - дейді.