Өскемен мен ШҚО Бүгін Өскеменде жарылыс дыбыстары естіледі
22-ші шағын ауданда жол кеңейту жұмыстары жүріп жатыр, сол себепті топырақты жару жұмыстары жүреді
Жұмыстар 15.00-ден 17.00-ге дейін жоспарланған.
ШҚО ТЖД баспасөз қызметі хабарлағандай, "Терезе" ЖШС мердігер ұйымы Алматы тас жолына шыға берістен Карл Маркс даңғылын кеңейту бойынша бұрғылау-жару жұмыстарын жүргізеді.
Естеріңізге сала кетейік, 28 қаңтар күні жарылыс дыбыстары қалалықтардың мазасын қашырған болатын. Ол кезде ЖМК ауданынан Қасым Қайсенов кентіне қарай шыға берістегі айналма жолда жөндеу жүрген.
