Өскемен мен ШҚО Өскемендегі жас жұбайлар үшін байқау жариялады
Некеге тұру туралы өтінішті онлай түрде берген жұптар байқауға қатысып, жүлделі бола алады
- Бүгін біз ЭЦҚ көмегімен өтініш бере отырып, жақын арада некесін тіркеген жұптар арасында "Онлайн неке" атты байқауымызды бастаймыз, - дейді "Азаматтарға қызмет көрсету" МК" КЕАҚ ШҚО бойынша филиалының баспасөз қызметі. - Байқауға қатысу шарттары өте оңай. Ол үшін өздеріңіздің танысу хикаяларыңызды, некені тіркеуге онлайн-өтініш бергеніңіз және ХҚО-ға бармай-ақ мемлекеттік қызметті алғаныңыз жайлы пост жазып, әсерлеріңізбен бөліссеңіздер болғаны. Бізді постта белгілеп, байқаудың нәтижесі шыққанға дейін аккаунтты ашық қалдырыңыз.
Байқауды 14 ақпанда қорытындылап, 3 жеңімпаз таңдалады. Басты жүлдегер ең көп лайк саны бойынша анықталады. Тағы екі жеңімпазды дауыс беру әдісімен таңдалады. Ұйымдастырушылардың айтуынша, сыйлықтар әрі жағымды, әрі пайдалы болмақ.