Семейде 4 адам қаза болған жол апатына қатысты сот үкімі шықты

Cот отырысында белгілі болғандай, айыпталушы "Озерки-Семей" тасжолында жылдамдықты асырып жіберіп, рөлге ие бола алмай қалған. Осының салдарынан қарама қарсы бағытқа шығып кеткен көлік арыққа құлапты.

Жол-көлік оқиғасынан 4 адам көз жұмып, 1 адам жарақат алған.

- Сотталушы ҚР ҚК-нің 345-бабы 4-бөлігімен кінәлі деп танылып, 5 жыл 6 ай мерзімге түрмеге қамалды. Сондай-ақ ол 7 жылға көлік жүргізу құқығынан айырылды, - деп хабарлады Семей қалалық №2 соттың баспасөз қызметі.