Өскемен мен ШҚО Жаңа жедел жәрдем көліктерін жеткізу
Шығыс Қазақстандағы жедел жәрдем паркінің көліктері мамырға дейін жаңартылмайтын сынды
Қараша айында облыстық жедел медициналық станса басшысы 2020 жылдың басында өңір халқына 59 жаңа жедел жәрдем көлігі қызмет етеді деген. Ақпан айы да кеп қалды, бірақ көліктер жеткізілмеді.
Анықталғандай, автопаркті жаңарту жұмыстары үш айға шегеріліпті.
- Жаңа көліктерді жеткізуге уәде еткен "БРК-Лизинг" АҚ тендер ұтып үлгермеген. Сондықтан кейінге шегерілді, - деп түсіндірді ШҚО ЖМК стансасының бас дәрігері Марат Ластаев. - Бірақ көлік бәрібір жеткізіледі. Оған республикалық бюджеттен қаржы бөлінеді.
Оның айтуынша, Семейдегі "СемАЗ" ЖШС-да жасалған "Соболь" және "Газель NEXT" көліктер болмақ.
