Өскемен мен ШҚО Өскеменде мас жүргізушілер азайған
Өткен жылдың қорытындысы бойынша тәртіп сақшыларының назарына мас күйінде көлік тізгіндеген 865 жүргізуші іліксе, 2018 жылы 933 болған
2019 жылы жалпы жол-көлік ережесін бұзу бойынша 3472 іс қаралған екен.
2945 адамға айыппұл салынып, 491 өскемендік көлік жүргізу куәлігінен айырылған.
- 16 қаңтардан бастап Әкімшілік құқықбұзушылық бойынша кодекске өзгерістер енгізілгенін еске салады, - Өскемен қалалық мамандандырылған әкімшілік соты басшысының м.а. Фархад Камалов. - Енді көлікті мас күйінде жүргізгендер 15 тәулікке дейін қамауға алынып, куәлігінен 7 жылға дейін айырылады. Медициналық куәландырудан өтуден бас тартқан жүргізушілер де 7 жылға жүргізуші куәлігінен айырылады. Ал ЖКО орнынан ізін суытқан жүргізушілер, жағдайға байланысты, куәлігінен бір жылға айырылып немесе 50 АЕК көлемінде айыппұл арқалауы мүмкін.