Өскемен мен ШҚО Өскеменде отбасылық-тұрмыстық жанжал саны артқан
Қалалық мамандандырылған әкімшілік сот өткен жылды қорытындылап, 2018 жылдың сәйкес кезеңімен салыстырды
Сараптама бойынша, отбасылық-тұрмыстық құқықбұзушылық саны артқаны байқалады.
Мәселен, 2018 жылы ондай 1371 іс тіркелсе, өткен жылы 1586 іс қаралған.
- Қаңтар айында мемлекет басшысы бірнеше заңға өзгерістер енгізген болатын, - деп түсіндіреді Өскемен қалалық мамандандырылған сот төрағасының м.а. Фархад Камалов. - Мәселен, отбасылық-тұрмыстық қарым-қатынастағы жұптар арасындағы дауда ері әйелінің денсаулығына қасақана зиян келтірсе, ескерту жасалады немесе бес тәулікке дейін әкімшілік қамауға алынады (бұрын 3 тәулік болған). Бұл заңды бірінші рет бұзғандарға қатысты. Екінші рет қайталанса, 10 тәулікке созылады.
Өзгерістер отбасылық дау-жанжал санын арттыруға қаншалықты септігін тигізері уақыт еншісінде.