Өскемен мен ШҚО ШҚО-да жемқорлық жайлы хабарлаған 9 адамға сыйақы берді
Сыбайлас жемқорлықпен күрес қызметі облыста парақорлықпен күресу үшін қарқынды жұмыс жүргізіліп жатқанын атап өтті
ШҚО бойынша Сыбайлас жемқорлықпен күрес агенттігі ұсынған ақпараттарға сүйенсек, парақорлыққа жол бермей, ол туралы құзырлы органдарға хабарлағандарға берілген жалпы сыйақы 1 млн 212 мың теңгені құрады. Ал осы сыйақыны алған тоғыз адамның әрқайсына 75 750 теңгеден 176 750 теңге аралығында тиген.
Берілетін сома жемқорлықтың түріне қарай есептеледі:
- жемқорлық құқықбұзушылық туралы әкімшілік істер бойынша – 30 АЕК;
- ауыр емес жемқорлық құқықбұзушылық туралы қылмыстық істе бойынша – 40 АЕК;
- орташа ауыр жемқорлық құқықбұзушылық туралы қылмыстық істе бойынша – 50 АЕК;
- ауыр жемқорлық құқықбұзушылық туралы қылмыстық істе бойынша – 70 АЕК;
- аса ауыр жемқорлық құқықбұзушылық туралы қылмыстық істе бойынша – 100 АЕК.
Қажет болған жағдайда азаматтарға грамота мен алғыс хаттар табысталады.