Өскемен мен ШҚО ШҚО-да тексерістен кейін 17 автобус айып тұрағына қойылды
Шығыс Қазақстан облысында 15-17 қаңтар аралығында "Автобус" жедел алдын алу шарасы өткен болатын
Үш күн бойы полиция қызметкерлері автобустардың техникалық жағдайы мен олардың талаптарға сәйкестігін жіті қадағалады.
Полиция 436 қоғамдық көлікті тексерген. Нәтижесінде автобус парктеріне жауапты 11 адам әкімшілік жауапқа тартылып, 17 көлік айып тұрағына қойылды. Сонымен қатар, қосымша мектепке балаларды тасымалдайтын 15 автобусты да тексерді. Алайда онда барлығы талапқа сай болып шыққан.
Одан өзге, 16 көліктің мемлекеттік немесе міндетті техникалық тексерістен өтпей жолаушылар тасымалдауға шыққаны анықталлып, 14 жүргізушінің еңбек және демалыс шарттары бұзылған.
