Өскемен мен ШҚО Өскеменнің 19-шағын ауданында уәде етілген саябақ пайда болады
ШҚО әкімі Даниал Ахметовтің айтуынша, келесі жылы жаңа демалыс аймағы салынады
Екі жыл бұрын Өскемен билігі 2019 жылы қалада тағы бір саябақ пайда болады деп уәде берген болатын, деп хабарлайды Устинка LIVE тілшісі.
Облыс орталығының тұрғындары мен қонақтары үшін жаңа демалыс орнын 19-шағын ауданда Көкжал Барақ, Уәлиев және Ілияс Есенберлин даңғылдарының қиылысында тұрғызуға тиіс болатын. Бірақ бұл іс жүзеге аспай, аталған орын бос қалды.
Тұрғындар Облыс әкімі Даниал Ахметовке 19-шағын ауданды абаттандырудың кешенді жоспарын таныстыру кезінде осы мәселемен жүгінді.
- Мен осы шағын ауданда 2013 жылдан бастап тұрамын. Жаңа бағдарламада көптеген артықшылықтары бар, бірақ кемшіліктер де бар. Сіз неге Көкжал Барақ көшесіндегі саябақ туралы ұмытып кеттіңіз? Былтыр оны салып беруге уәде берген болатынсыз, - деп аймақ басшысына Роза Ахметова жүгінді. - Біз мұнда да шомылуға және демалуға болатын орын пайда болғанын қалар едік.
Даниал Ахметов қазіргі уақытта жоба әзірленуде, ал құрылыс 2021 жылы басталады және аяқталады деп айтты. Сонымен қатар, билік тұрғын үй массивінің келбетін түбегейлі өзгертіп, 1,3 миллиард теңгеден астам қаражат жұмсауды жоспарлап отыр.
