Өскемен мен ШҚО ШҚО тас жолдарының біріндегі апат төрт адамның өмірін жалмады
Кеше, 16 қаңтар күні, сағат 16.00-де Көкпекті мен Қалбатау ауылдарының арасында Toyota Highlander мен "ВАЗ 21122" көліктері бетпе-бет соғылған
Жол-көлік оқиғасы салдарынан "ВАЗ 21122" көлігінің жүргізушісі мен үш жолаушысы алған жарақаттарынан оқиға орнында қаза болды.
"Ладада" отырған тағы бір жолаушы мен шетелдік көлік ішіндегі үш жолаушы (оның екеуі – 12 және 13 жастағы жасөспірімдер) Көкпекті аудандық орталық ауруханасына жеткізілді.
Аурухананың бас дәрігері Әсем Рахимбаеваның айтуынша, науқастардың жағдайы орташа-ауыр, төртеуінің өміріне де қауіп төніп тұрған жоқ. Жасөспірімдердің бірі жеңіл жарақат алған, дәрігерлер тексергеннен кейін үйіне қайтарылды.
- Осы фактіге байланысты ҚР ҚК 345-бабы 4-бөлігі бойынша сотқа дейінгі тергеу басталды, - деп мәлімдеді ШҚО ПД басшысының орынбасары Елдос Закимов.
Следующая →