Өскемен мен ШҚО Өскеменде "Хрусталь туфли және басқа да кебістер" көрмесі өтеді
Шығыс Қазақстан облыстық музей-қорығы қала тұрғындарын өте кішкентай аяқ киімдер көрмесіне шақырады
Музей-қорықта ең кішкентай өлшемдегі біз өкше туфлилер, бәтеңке, пима, сабан-шәркей, резеңке шәркей көрмеге қойылады.
Музейдің баспасөз қызметі хабарлағандай, осы бір таңғажайып коллекция иесі Өскемен өаласының тұрғыны Лидия Рудакова екен. Ол осындай кішкентай аяқ киім жинағанына 30 жыл уақыт болған. Ең алғаш кебіс түріндегі кәріптас танамоншақ болған. Кейін бір мерекеде Аяз ата оған кішкентай етік сыйлаған. Коллекционердің өзі де, достары мен жақындары да шетелге шыға қалса, аяқ киім түріндегі кәдесыйлар ала келеді екен. Лидия тек өзге шеберлердің туындыларын жинап қоймай, өзі де былғарыдан аяқ киім түріндегі тұмар, көзтимес сынды заттар жасайды. Айта кетейік, ол Мәскеу механикалық-техникалық техникумын тәмамдаған.
Көрме 20 қаңтар күні сағат 15,00-де Қ. Қайсенов көшесі, 67 мекенжайдағы көрме залында өтеді.
