Пара ұсынып, айыппұл арқалады

- "КАМАЗ" маркалы көлік жүргізушісі жол-көлік қозғалысы ережесін бұзған. Оны тәртіп сақшысы тоқтатып, құқық бұзу фактісін тіркеу барысында ол полиция қызметкеріне 2000 теңге ұсынған. Ол полиция қызметкеріндегі бейнетуркегішке жазылып қалған. Тәртіп сақшысы осы ақпаратты заң органдарына ұсынды, - деп мәлімдеді облыстық Сыбайлас жемқорлыққа қарсы қызмет.

Облыстық Сыбайлас жемқорлықпен күрес қызметі заң қызметкеріне пара берген азаматқа қатысты ӘПК 676-бабы бойынша әкімшілік хаттама толтырды.

Сыбайлас жемқорлықпен күрес қызметі облыс тұрғындарына егер де заңсыз пара беру немесе алу фактілерін көрген жағдайда агенттіктің 1424 Call-орталығына хабарлау керектігін ескертеді. Орталық жеті күн бойы 24 сағат қызмет етеді. Түскен әр хабарлама бойынша дереу тиісті шара қолданылатын болады.