Өскемен мен ШҚО ШҚО-да ер адам елікті заңсыз атқан
Шемонаиха ауданындағы заңсыз аңшылық факті өткен жылдың қазан айында тіркелген
Тергеу анықтағандай, Глубокое ауданының тұрғыны 4 қазан күні Верх-Уба ауылы маңында орналасқан "Маралиха" шатқалына джиппен келген. 21.30-да қолшам жаға отырып, елікті атып алған. Бірақ аңшылыққа немесе аң атуға ешқандай рұқсат қағазы болмаған.
Тәртіп сақшылары барконьерді жедел қолға түсірген. Еліктің тұтасы еті, "Иж-27" қосауыз қаруы оғымен және Mitsubishi Montero Sport көлігі тәркіленді
- Осы факті бойынша ҚР ҚК 337-бабы 1-бөлігі бойынша қылмыстық іс қозғалды, - деп хабарлайды ШҚО ПД баспасөз қызметі.
Жақында осы іске қатысты сот қаулысы шықты. Сот браконьерге 80 АЕК көлемінде түзету жұмыстары түрінде қылмыстық жаза тағайындады. Ол дегеніміз 202 000 теңге. Сонымен қатар, қару ұстау және сақтау үшін рұқсат беретін арнайы құжатынан 1 жылға айырылды.