Кешеден бері Риддерде іздестіру-құтқару жұмыстары жүріп жатыр

Белгілі болғаны, кеше 11.27 шамасында Риддер-Сокольный кенішіндегі диспетчерге қызметкерлердің бірі хабарласып, 16-шы горизонтқа еңіске қарай тау-кен массасы түсіп жатқанын айтқан.

Ал сол жерде кеніш қызметкерлерінің бірі жұмыс істеп жатқан. Ұңғы тесушімен байланыс жоғалып кеткен. Дереу құтқару операциясы бойынша штаб құрылды.

- 6 қаңтар күні түнде қызметкермен байланыс орнатылды, - деп мәлімдеді "Казцин" ЖШС Қоғаммен байланыс жөніндегі басқарма. - Қазір құтқарушылар жұмыскерді тез арада құтқару үшін күш жұмсап жатыр.

Оқиға орнында медибригада кезекшілік етуде. Ал компания өкілдері қызметкердің отбасына қажетті көмек көрсетуде.