Семейдегі әскери қызметкерлер мұз қалашығын ашты

Семей қаласындағы "Юность" шағын ауданындағы әскери қалашықта тамаша мұз қалашығы ашылды.

Мұнда Аяз ата мен Ақшақар, түрлі мультфильмдердегі кейіпкерлер, сонымен қатар биік мұз сырғанақ пен хоккей қорапшасы бар.

- Балаларымыздың балалық шағы ертегі мен сиқырға, жақсылық пен мейірімділікке толы болсын дедік, - дейді әскер қолбасшысы полковник Асан Жүсіпов. - Мұз қалашығын соғуға құрылысшыларды балалар ертегілері шабыттандырған. "Балалар – біздің болашағымыз" деп текке айтылмаған және олар балалық шақтарында не көрсе, өз балаларына да соны көрсетеді.

Мұз қалашығының ашылуына 2000-ға жуық балалар мен әскери қызметкерлердің отбасы мүшелері қатысты. Жиналғандар ойын-сауықтық бағдарламаға қатысып, би биледі, ән айтты, ойындар мен байқауларда бақ сынады.

- Тамаша мереке үшін алғыс айтамыз, - деп атап өтті келушілер. - Осы мерекені ұйымдастырғандар жарады. Барлығы тамаша ойластырылған. Енді балалар үйде смартфонға байланып отырғанға қарағанда, далаға ыждаһаттылықпен далаға ойнауға шығатын болады.

Мұз қалашығын көтеруге барлығы 20 мың куб метр қар жұмсалды. Қалашыққа кіру тегін.