Өскемен мен ШҚО Өскемендік құтқарушыларда мерекелік күндер қызу өтті
31 желтоқсан мен 3 қаңтар аралығында 4 өрт оқиғасы орын алды, оның бірінде адам қаза болды
Өрттер негізінен тұрғын үйлер мен кәсіпкерлік нысандарында өршіді, негізгі себеп – отты абайсыз қолдану, деп хабарлайды Устинка LIVE тілшісі.
Өскемен қаласы ТЖБ ақпараты бойынша, 31 желтоқсанда 18.46-да Меновное кентінде Адольф Янушкевич көшесіндегі шаруа қожалығының аумағында жеке тұрған панада төбе жабындылары, шатыры өртенді. Жалпы ауданы 100 шаршы метр өрт сөндірілді. Қатты тұтанудан шатырдың жартылай қирауы орын алды. Барлау нәтижесінде 1967 жылы туған күзетшінің жанып кеткен денесі табылды. Өрт себебі бойынша: электр жабдығының авариялық режимі, жылыту пешін орнату және пайдалану кезінде өрт қауіпсіздігі талаптарын сақтамау, сондай-ақ отты абайсыз пайдалану болжамы қарастырылуда.
1 қаңтар күні сағат 00.06-де Өскемен қаласы Назарбаев даңғылы бойындағы бес қабатты үйдің екінші қабаттағы пәтерінде балконның ағаш конструкциясы бес шаршы метр алаңда жанған. Өрттің себебі - отты абайсыз пайдалану. Сол күні сағат 00.31-де Беспалов көшесінде төртінші қабаттағы балкондағы бес қабатты үйде, сондай-ақ отты абайсыз қолдану салдарынан жеке заттары мен терезе блогы өртенді.
1 қаңтарда 23.12 Ярославская көшесінде жеке тұрған бір қабатты дүкеннің ғимаратында шатырдың ағаш конструкциялары, жабындары, есік және терезе блоктары, жиһаз өртенді. Өрт сөндірушілер жалпы алаңы 150 шаршы метр отты сөндірді. Құтқарушылардың алғашқы бөлімшелері Өрт орнына келген кезде 1974 жылы туған үй иесі көрші үйде, талу алдындағы күйде екені анықталды. Күйік шалған соң ол жедел жәрдем қызметкерлерімен облыстық мамандандырылған медициналық орталыққа жатқызылды. Өрт себебі бойынша: электр жабдығының авариялық режимі, электр жабдығын орнату және пайдалану кезінде өрт қауіпсіздігі талаптарының сақталмауы, сондай-ақ өртеу болжамы қарастырылуда.
- Жаңа жылдық мерекелер аяқталғанға дейін ТЖ қызметінің құтқарушылары жоғары дайындық режиміне көшірілді, - деп хабарлайды Өскемен қаласы ТЖБ баспасөз қызметінде. - Мамандар өрт сөндіруден басқа жаңа жылдық шыршаларды өткізуге байланысты барлық мерекелік іс-шараларды және жаппай серуендеуді қадағалайды.
