Өскемен мен ШҚО Жігітімен ренжісіп қалған бойжеткен күре тамырын кескен
5518 әскери бөлімінің ұландары "Құқық қорғау" ЖААШ кезінде өзіне-өзі қол жұмсау фактісінің алдын алды
Оқыс оқиға 28 желтоқсан күні кешкі 10 кезінде Гагарин бульварында орын алды.
Ұлттық ұландықтар ойын алаңқайында қансырап жатқан қызды тауып алған. Олар қыздың қанды тоқтату үшін бинтпен таңып беріп, жедел жәрдем қызметін шақыртты. "Шығыс" ҚР ҰГ өңірлік қолбасшылығының баспасөз қызметі мәлімдегендей, қыздың мұндай әрекетке баруына жігітімен айырылысуы себеп болды.
- Жедел жәрдем оны орталық мамандандырылған медициналық орталыққа жатқызды, - дейді мекеменің баспасөз қызметінің басшысы Бағдат Амангелді. - Үлбі аудандық полиция бөлімінің жедел тергеу тобының мамандары оқиға орнынан қан ізі қалған лезвіні тәркіледі.
Оқиғаның мән-жайы анықталу үстінде. Бұл іс бойынша ҚР ҚК 105-бабы 1-бөлігі бойынша сотқа дейінгі тергеу басталды.