Өскеменде әскерилер жедел жәрдем көлігін қар құрсауынан шығарып алды

Оқиға өткен сенбі, 21 желтоқсанда сағат 8.45-те Жаңа Ахмер ауылында болған. Дәрігерлер инфаркт белгісі бар науқасқа жетуге асыққан. Алайда жедел жәрдем көлігі қалың қар мен тайғанақта жүре алмай, бір орында оқтап қалды, деп хабарлайды Устинка LIVE тілшісі.

- Дәрігерлер бұл оқиғаны облыс орталығының "Өскемен-Тәртіп" коммуналдық қызметіне дереу хабарлады, бірақ диспетчер бұл аймақты тазарту олардың міндетіне жатпайтынын айтып, көмектен бас тартты. Нәтижесінде, көлік сағат 13.45-ке дейін қардан тазаланбаған көшеде тұруға мәжбүр болды, - дейді Жедел медициналық жәрдем қоңыраулар қабылдау фельдшері Диляра Куженова.

Егер дәрігерлер 27/943 әскери бөлімінің көмегіне жүгінбегенде, жедел жәрдем көлігі бұдан да ұзақ тұрар ма еді, кім білер?!

Жедел жәрдем стансасында айтқандай, келген көлік жедел жәрдем көлігін тартып алып, қатты жерге сүйреп шығарды. Айтпақшы, таңертең науқасқа дәрігерлердің тағы бір тобы жіберілген болатын.

- Облыстық жедел жәрдем стансасының әкімшілігі 27/943 әскери бөлімі мен командирдің жауынгерлік дайындық жөніндегі орынбасары Дәурен Еспердиновке алғысын білдіреді, - деп дәрігерлер құтқарушыларға алғысын білдірді.

Айта кетейік, өткен демалыс күндері тазартылмаған жолдардан тек облыс орталығының тұрғындары зардап шеккен жоқ. Сонымен қатар, Ахмер, Красин, Меновное, Аблакетка кенті мен Молдағұлова көшелеріне жедел медициналық жәрдем дәрігерлері науқастарға жаяу баруға мәжбүр болды.