Бүгін таңертең қала тұрғындары 17-бағыттағы автобусты күтіп, жұмыстан кешікті

Дүйсенбі күні таңертең Сол жағалауда тұратын өскемендіктер бірнеше автобустарға отырып немесе № 17 автобусты жарты сағат не одан да көп күтуге мәжбүр болды, деп хабарлайды Устинка LIVE тілшісі.

Қалалық такси қызметі таңертең тарифтерін 40%-ға көтергендіктен, барлық азаматтардың жеке көлік шақыруға мүмкіндігі болмады. Есесіне аялдамада сағаттап күтіп, аязда автобустарды күтумен өткізді.

- 17-ші автобусты 40 минут күтіп, жұмысқа кешіге жаздадым, - дейді Назерке есімді қала тұрғыны.

Автобус шынымен кешіккен. Себебі бірнеше көлік бұл бағытқа шықпаған болып шықты.

- 17-ші бағыттағы автобус сағат 6.50, 7.00, 7.10 және 7.40, 8.00-де болған жоқ, - деп жауап берді Өскемен жолаушылар тасымалы басқармасы орталығы директорының орынбасары Ольга Графкина. - Үш автобус шықпады. Барлығын қосқанда бес бағыт жоқ. Мұның себебі - жүргізушінің жоқтығы. Бізде жүргізушілер жоқ және олармен не істеу керектігін білмейміз.

Сондай-ақ, 32-ші автобус та сағат 7.15-те бағытқа шықпаған. Сондықтан Согра кентінің жолаушылары кісі нығалған автобустарға отыруға мәжбүр болған.