Өскемен мен ШҚО Өскеменде аяғы сынған ер адам екі сағат қар үстінде жатқан
Куәгерлердің айтуынша, жедел жәрдем қызметін шақыртқан ер адам кезекте алтыншы болып тұрғандықтан ол екі сағат далада жатып көмек күтуге мәжбүр болды
Жанынан өтіп жатқандар таксимен ауруханаға жеткізгісі келгенімен, аяғы сынған адам қозғала да алмаған. Орнынан қозғаса, аяғы ауырып жанын көзіне көрсеткен. Сондықтан жиылған жұрт оның астына көрпеше төсеп, жедел жәрдемді күткен.
Көктайғақ үстінде құлап, аяғын сындырған ер адам жерде екі сағаттай жатқан. Оқыс жағдай 19 желтоқсан күні орын алды. ШҚО Денсаулық сақтау басқармасыосы жағдайға байланысты қызметтік тексеріс жүріп жатқанын мәлімдеді.
- Облыстық жедел жәрдем стансасының қызметкерлері әкімшілік жауапқа тартылды. Алдағы уақытта осындай жағдайлардың қайталанбасы үшін тиісті жұмыстар жүргізілді, - деді мекеменің баспасөз қызметі.
