Өскемен мен ШҚО Әлеуметтік желі арқылы есірткі сатқандар анықталды
Қазір ШҚО-да да әлеуметтік желілер арқылы есірткі затын насихаттау кеңінен белең алды
Есірткі сатушылар психотропты заттардың жаңа түрлерін ойлап тапты: "Альфа-пиролидиновалеронфенон" мен "JVH" есірткі қолданушылар арасында жылдамдық және спайс деп танылған.
Жедел іздестіру шаралары мен алыдн алу шараларының арқасында полиция қызметкерлері "героин" есірткі затының таралуының алдын алды.
ШҚО ПД Есірткі қылмысымен күрес басқармасы басшысының орынбасары Василий Гриценко атап өткендей, 2019 жылы тәртіп сақшылары "Альфа-пиролидиновалеронфенон" есірткі затын сату бойынша 14 фактіні ашқан. Оның бесеуінде есірткі "Телеграмм" платформасы арқылы жарнамаланып отырған.
ШҚО ПД баспасөз қызметі ұсынған ақпараттарға сүйенсек, жыл басынан бері заңсыз айналымнан 1 келі 817 грамм психотроптық зат тәркіленді. Сонымен қатар, бір ғаламтор дүкені де әшкереленіп, бұғатталды.
ШҚО ПД жасырын және жария жарнаманы көргендер болса, 8 777 258 53 40 WhatsApp нөмірі арқылы хабарлауды сұрайды. Хабар түскен бойда полиция қызметкерлері тиісті шаралар қабылдайды.