Өскемен мен ШҚО 
Өскеменде таңертең апат орын алды, жарақат алғандар бар
Бүгін таңертең Мыза – Қазақстан көшелерінің қиылысында шетелдік автокөлік пен "ВАЗ-2102" соғылған
Оқыс оқиға таңғы сағат 7.45-те орын алды. "Мазданың" жүргізушісі қиылыста солға бұрылмақ болып, "Жигулиге" жол бермеген. Ал "Жигули" қарсы бағытта тік келе жатқан.
Нәтижесінде көліктер соқтығысып, "Мазда" жолдың ернеуіне тірелген. "Жигули" соққыдан Қазақстан көшесімен келе жатқан автобустар бұрылатын жолаққа шығып қалған. Қоғамдық көліктер айналып өтуге мәжбүр болды. "ВАЗ-ды" тізгіндеген әйел жарақат алып, ауруханаға жеткізілді. Бірақ болмашы жарақат алған ол тексерістен кейін үйіне қайтарылды.
- 64 жастағы "Мазда" жүргізушісіне қатысты ҚР ӘҚК 610-бабы бойынша әкімшілік хаттама толтырылды, - деп мәлімдеді Өскемен қалалық БП.
Следующая →
