Өскемен мен ШҚО Шахтаға ұрлыққа түскен
Қаскөй түсті шикізат өндіріс орнына 100 мың теңге шығын келтірген
Шемонаиха аудандық полиция бөлімшесінің кезекші бөліміне хабарласқан шахта өкілі 14-інен 15-іне қараған түні шахтаға біреу кіргенін айтқан
- Белгісіз ер адам металл қоршауды ашып, шахта ішіндегі конвейерге кірген. Онда жатқан түрлі өлшемдегі 35 метр мыс кабелін ұрлап кеткен, - деп мәлімдеді облыстық Полиция департаментінің баспасөз қызметі. - Келтірілген шығын 94 574 теңгеге бағаланды.
Қылмысқа барған 48 жастағы ер адам екен. Істеген ісін мойындаған. Ұрланған зат түгелдей тәркіленді. Қазір сотқа дейінгі тергеу жүріп жатыр.
