Аязды күні жалаңаш ер адам жол үстінде жатыр

21 қараша күні таңғы сағат 5.30-да "Қыран-74" патрульдік полиция экипажы ер адамды көмектеспек болғанда ол қарсылық танытқан.

Жалаңаш жол үстінде жатқан ер адамның бет-аузы қан-жоса. Бұл уақытта сыртқы ауа температурасы минус 35 градус болған.

- Полиция аға лейтенанттары Қанат Асылғазин мен Дамир Ауғанбаев ер адамның тірі екенін байқап, 102 арнасы мен жедел жәрдемге бірден хабар берген, - деп мәлімдеді Өскемен қалалық Полиция басқармасының баспасөз қызметі. - Полиция қызметкерлері дәрігерлердің келуін күтпей-ақ, үсіп қалмауы үшін ер адамды көлікке кіргізген. Бірақ ол тәртіп сақшыларына қарсылық танытып, өзін бір түрлі ұстаған.

Жағдайдың себеп-салдарын тергеу анықтап жатыр.