Өскемен мен ШҚО ШҚО-да қандай ауа райында сабақтар болмайды
Қысқа дайындық жайы сөз болған брифинг барысында ауа райының қолайсыздығына байланысты қандай жағдайда сабақтар болмайтындығы айтылды
Климаттық ерекшеліктеріне орай әр ауданда сабақты болдырмау жағдайы әр түрлі. Бұны жергілікті атқарушы органдар мен білім бөлімдерінің басшылығы шешетін болады.
ШҚО Білім басқармасының мектепте дейінгі және жалпы білім беру бөлімінің басшысы Айгүл Доржанова ағымдағы жылдың 11 қарашасында ШҚО Білім басқармасының "Температуралық режім және қысқы маусымда оқуды ұйымдастыру" туралы бұйрығы шыққанын айтты.
Жел жылдамдығы 2 м/сек-тен аз болса:
-28 және одан төмен температурада – 1-4-сыныптар оқымайды;
-32 және одан төмен температурада – 5-9-сыныптар оқымайды;
-34 градустан төмен - 5-9-сыныптар мен колледж студенттерінің I-II курстары оқымайды.
Жел жылдамдығы 2 м/сек-тен жоғары болса:
-23 және одан төмен температурада – 1-4-сыныптар оқымайды;
-27 және одан төмен температурада – 5-9-сыныптар оқымайды;
-29 градустан төмен - 5-9-сыныптар мен колледж студенттерінің I-II курстары оқымайды.
- Егер осындай күндері бала білмей мектепке келіп қойған жағдайда, оны ересектер алып кетпейінше мектепте болады, - дейді бөлім басшысы.
Ата-аналар сабақтардың болатын-болмайтыны жайлы 8(7232)705-942, 8(7232)705-943 нөмірлері арқылы біле алады.