Өскемен мен ШҚО Ұлттық гвардия әскерилері егде жастағы әйелді өрттен құтқарып қалды
Өрт құрсауында қалған 70 жастағы азаматша иіс тию белгілерімен Бірінші қалалық аурухананың жансақтау бөліміне жеткізілді
7 қараша күні кешке Потанин көшесіндегі көпқабатты үйдің төртінші қабатындағы пәтерден өрт шықты.
Өрт шыққан уақытта сол маңайда №5518 әскери бөлімінің қызметкерлері - Е. Уалиев, Б. Мысжан, Б. Оракбаев пен К. Жылкамановтар жүрген. Ер азаматтар өртті байқаған бойжа ойланбастан көмекке ұмтылып, тілсіз жау құрсауынан егде жастағы әйелді алып шыққан. Зардап шеккен азаматшаға иіс тиіп үлгерген екен. Ұлттық ұлан әскерлеріне көрші пәтер тұрғыны да көмек көрсеткен.
Оқиға орнына жеткен өрт сөндірушілер жалынды ауыздықтап, 15 тұрғынды эвакуациялады, олардың бесеуі – балалар.
Өскемен қалалық ТЖБ баспасөз қызметі хабарлағандай, өрт себептері анықталуда.
