Өскемен мен ШҚО Өскемендегі көшелер жарық бола түспек
Облыс орталығындағы көшелерге 17 мың жаңа шам қойып, ескілерін алыс аудандарға жібермек
Өткен жылы қала көшелері мен даңғылдарына 511 жаңа шам қойылған.
Әйтсе де қала тұрғындарының көшелердің жарықтандырылуына көңілдері көншімейді. Кей аулалар, көшелер мен аудандарда мүлде жарық жоқ. Өкінішке орай, жыл соңына дейін жағдай оңалмақ емес. Тек келесі жылы ғана бір өзгеріс болатынына уәде етті биліктегілер.
- Қазір 17 мың шамды ауыстыру бойынша бельгиялық компаниямен байқау өтіп жатыр, - деді Жақсылық Омар қала тұрғындарымен өткен кездесулерінің бірінде. - Біз байқаудың аяқталуын күтуіміз керек, жұмыстар келесі жылы басталады деп жоспарлануда. Ескі шамдарды алыс шағын аудандарға (Согра, Меновное, Прохладный) орнатамыз, - деді әкім.