Өскемен мен ШҚО Бүгін ШҚО-да "Өскемен-Антитеррор 2019" шұғыл-тактикалық жаттығулар өтеді
2019 жылдың 29 қазанында Өскемен қаласы мен Ұлан ауданындағы Қасым Қайсенов кентінде ШҚ облыстық және Ұлан аудандық терроризмге қарсы күрес жедел штабы "Өскемен-Антитеррор 2019" шұғыл-тактикалық жаттығуларын өткізеді
Жаттығулар кезінде нысандарға террорлық шабуыл жасаудың түрлі сценарилері бойынша әрекет ету және құлақтандыру жүйелерін жетілдіру жұмыстары жүргізіледі. Террорлық актінің алдын алу, болдырмау және салдарын жою бойынша мемлекеттік органдармен қарым-қатынасты нығайтуға басымдылық беріледі.
Жаттығу барысында шартты түрде белгіленген "террорлық қауіптіліктің қызыл деңгейі" бойынша арнайы бөлімше мамандары лаңкестерді жою және залалсыздандыру бойынша арнайы операция орындайды.
Қала және Қасым Қайсенов кентінің тұрғындары мен қала қонақтарына сабырлық сақтап, уақытша келеңсіздіктерге түсіністікпен қарауға шақырамыз.
Осы орайда жалған ақпарат таратудың салдары ҚР ҚК 274-бабы бойынша қылмыстық жауапқа соқтыратынын еске саламыз.
