Өскемен мен ШҚО Риддердегі жекпе-жекке бүкіл облыс спортшылары жиналды
Бұл турнирге жастары кішкентай болса да, білектерінің күші мықты жүректілер жиналды
Риддер қаласындағы спорттық модульге облыстың түкпір-түкпірінен барлығы 120 спортшы жиналды.
- Жекпе-жектің ережесіз жекпе-жекке жанама қатысы бар екенін айта кеткен жөн. Бұнда талап көп, тыйымдар қатал. Бұл турнирге 2003-2012 жылғы балалар мен жасөспірімдер қатысып отыр, - дейді облыстық жекпе-жек федерациясының президенті, аралас жекпе-жектен халықаралық санаттағы спорт шебері Тимур Уразов. - Күрес, қазақша күрес, кикбоксинг, самбо, карате, таэквонда сынды түрлі жекпе-жек арсеналындағы техникалық әдістерді қолдануға болады. Қолмен, аяқпен соққы жасауға, лақтырып, қармауға рұқсат.
Жарысқа қатысушылар саны көп б олғанымен, ұйымдастырушылар жарысты екі күнге бөлді. Алғашқы күні алдын ала жекпе-жектер өтіп, екінші күні чемпиондыққа таласты.
- Өз салмақ дәрежем бойынша көшбасшы болғанымен қуаныштымын, - дейді өскемендік "Тигр" клубының спортшысы Кирилл Петров. - Қарсыластарымды ұтуға көмектескен бапкерім Олег Тороненконың еңбегі зор. Үш жыл бойы бізге соққыны қалай дұрыс жұмсау керектігін, қарсыласты партерде қалай ұстау керектігін талмай үйретіп келеді. Алда оның берген ақылымен жүрігу әлі де тырысамын.
